We have detected that you are located in . Do you want to switch to the local site?
Жирэмсний чихрийн шижин гэдэг нь жирэмсэн үед дааврын өөрчлөлтийн улмаас цусны сахарын хэмжээ (глюкоз) ихэсдэг эмгэг юм.1
Энэ нь өмнө нь чихрийн шижингүй байсан эмэгтэйчүүдэд тохиолддог бөгөөд жирэмсний аль ч үе шатанд илэрч болох боловч ихэвчлэн жирэмсний хоёр болон гуравдугаар хагаст (зургаагаас есөн сар) тохиолддог.2
Жирэмсний чихрийн шижин түгээмэл тохиолддог бөгөөд Европт 100 эмэгтэйн тутамд 6 орчим нь өртсөн байдаг. Энэ нь эх болон урагт хүндрэл үүсгэх эрсдэлтэй тул оношлуулж, зохих ёсоор хянагдах нь чухал.3
Ийм учраас, эмч жирэмсний 24–28 долоо хоногийн хооронд эсвэл зарим тохиолдолд үүнээс эрт танд шинжилгээ хийнэ.1,4
Ихэнх эмэгтэйчүүд жирэмсний чихрийн шижингийн шинж тэмдгүүдийг мэдэрдэггүй, хэрэв илэрвэл тэдгээр нь хэвийн жирэмсний шинж тэмдгүүдээс ялгахад төвөгтэй тул андуурагддаг2. Илрэх шинж тэмдгүүдэд4:
Жирэмсэн үеийн чихрийн шижин нь жирэмсэн үед дааврын өөрчлөлтөөс болж үүсдэг. Ихэс даавар ялгаруулж, энэ нь инсулин (цусан дахь сахарыг хянадаг даавар)-ий үйл ажиллагааг хангалттай хэмжээнд ажиллуулахад саад болдог.
Жирэмсний чихрийн шижин эмэгтэй хүн бүрт жирэмсэн үед нь илэрч болох боловч дараах хүчин зүйлүүд таны эрсдэлийг нэмэгдүүлдэг:3
Жирэмсэн үед анх удаа цусны сахар ихсэхийг жирэмсний чихрийн шижин гэж тодорхойлдог. Энэ нь ихэвчлэн түр зуурын бөгөөд төрсний дараа хэвийн болдгоороо чихрийн шижин 1 ба 2-оос ялгаатай.
Гэхдээ зарим тохиолдолд өмнө нь оношлогдоогүй байсан чихрийн шижин хэвшинж 2 жирэмсэн үед оношлогдсон байх боломжтой. Чихрийн шижин хэвшинж 2-ын талаар илүү мэдэхийг хүсвэл эрүүл мэндийн мэргэжилтэнтэйгээ ярилцаж, бидний нийтлэлүүдийг уншиж болно.
Хэрэв та жирэмсний чихрийн шижинтэй бол, танд болон таны хүүхдэд хоёуланд нь үүсч болох хүндрэлүүдийг анхаарах нь зүйтэй.
Ээжид, преэклампси (цусны даралт ихсэх болон элэг бөөр зэрэг бусад эрхтэн гэмтэх шинж тэмдгээр жирэмсний 20 долоо хоногоос хойш илэрдэг жирэмсний хүндрэл)-гийн эрсдэл нэмэгддэг ба энэ нь төрсний дараа чихрийн шижин хэвшинж 2 болон зүрх судасны эмгэг үүсэх эрсдэл болдог.3,6
Жирэмсний чихрийн шижин нь хүүхдэд бас нөлөөлдөг. Та том жинтэй хүүхэд төрүүлж магадгүй, үүний улмаас төрөлтийн үед зарим тохиолдолд хүндрэл үүсдэг. Урт хугацааны явцад, амьдралынх нь аль нэг үед таны хүүхдэд чихрийн шижин хэвшинж 2 болон таргалалт өвчин үүсэх эрсдэл нэмэгддэг.
Гэхдээ, та жирэмсний чихрийн шижин үүсэх эрсдлийг бууруулах болон оношлогдсон тохиолдолд зохих ёсоор хянахад туслах зүйлсийг хийх боломжтой гэдгээ санах нь чухал бөгөөд энэ талаар бид доор дэлгэрэнгүй ярилцана.4
Дээр тайлбарласны дагуу, зарим эмэгтэйд зарим эрсдэлт хүчин зүйл илүү байгаатай холбоотой жирэмсний чихрийн шижингээс бүгд урьдчилан сэргийлэх боломжгүй юм. Гэхдээ, өөрийнхөө эрсдэлийг бууруулахад туслах таны хийж чадах зүйл бий. Жишээлбэл, жирэмсэн үедээ эрүүл хооллох , жингээ барих, дунд зэргийн идэвхитэй дасгал хөдөлгөөн хийх, цусны сахараа тогтмол хянах зэрэг аргаар жирэмсэн үедээ цусны глюкозын түвшингээ хянах боломжтой. Эдгээрийг зохицуулахад туслах мөн шаардлагатай бол танд эмийн бэлдмэл хэрэглэх эсэхийг хамтдаа тодруулах эмнэлгийн мэргэжилтэнтэйгээ хамтран ажиллах нь чухал.4
Жирэмсний чихрийн шижинг шинж тэмдгээр оношлоход төвөгтэй байвал эмч цусны глюкозын түвшинг шалгах амаар уулгадаг глюкозын ачаалалтай сорил (ГАС) гэдэг шинжилгээ хийнэ. Энэ сорилыг ихэвчлэн жирэмсний 24-28 дах долоо хоногтойд хийх ба хэрвээ та "өндөр эрсдэлтэй" байвал эрт хийж болно. Энэ сорил нь таны өлөн үеийн цусны сахарыг үзээд, дараа нь юм идэлгүйгээр сахартай уух зүйлс уулган хэсэг хугацааны дараа цусны сахарыг хэмждэг.4
Жирэмсэн үеийн чихрийн шижинг таних, жирэмсний хугацаанд цусны глюкозын хэмжээгээ хянах нь дээр дурдсанаар танд болон таны хүүхдэд үүсч болох болзошгүй хүндрэлүүдээс сэргийлнэ.
Жирэмсний чихрийн шижингийн эмчилгээ нь хүн болгонд өөр байх тул танд тохирсон аргыг олоход туслах өөрийн эмчтэйгээ та хамтран ажиллах нь чухал. Хэрэв та эмчилгээний талаар илүү мэдээлэл авахыг хүсвэл энэ сэдвээр бидний нийтлэлийг уншаарай.
KZ25DI00085
